Gjafabréf

Hér er hægt að kaupa gjafabréf Íþróttabandalags Reykjavíkur sem gildir sem greiðsla þátttökugjalda í Miðnæturhlaup Suzuki og fjóra aðra íþróttaviðburði.

Viltu gefa ávísun á skemmtilega upplifun og hvatningu til aukinnar hreyfingar? Þá er gjafabréf Íþróttabandalags Reykjavíkur sem gildir sem greiðsla í Miðnæturhlaup Suzuki og fjóra aðra íþróttaviðburði góð hugmynd.

Gjafabréfin gilda í fjögur ár og er hægt er að velja upphæð á bilinu 1.000-35.000 kr. Kaupandi fær gjafabréfið sent með tölvupósti innan fárra mínútna eftir að greiðsla berst og getur þá prentað það út og gefið í gjöf.

Skilmálar gjafabréfa

  1. Gjafabréfið gildir sem greiðsla og er notað við skráningu í Norðurljósahlaup Orkusölunnar, Tour of Reykjavik, Miðnæturhlaup Suzuki, Laugavegshlaupið og/eða Reykjavíkurmaraþon Íslandsbanka.
  2. Gjafbréfið gildir í fjögur ár frá útgáfudegi.
  3. Sé virði gjafabréfsins hærra en þátttökugjaldið er hægt að nýta það síðar, innan gildistímans.
  4. Ef þátttökugjaldið er hærra en gjafabréfið greiðist mismunurinn með greiðslukorti.
  5. Ekki er hægt að fá gjafabréf endurgreidd.

Kaupa gjafabréf

Við kaup á gjafabréfi þarf að skrá nafn og netfang kaupanda. Velja þarf upphæð og fjölda gjafabréfa. Einnig þarf að velja mynd sem á að prýða gjafabréfið og er hægt að velja úr nokkrum mismunandi myndum úr viðburðunum.

Í boði er að greiða með greiðslukorti (kredit eða debet). Jafnframt býðst val um að kaupa fleiri gjafabréf, t.d. með annarri upphæð og mynd, áður en greiðsla fer fram. 

Eftir að greiðsla hefur farið fram berst kaupanda tölvupóstur þar sem kemur fram nafn kaupanda, kennitala, veflykill og útgáfudagsetning. Í viðhengi fylgir með gjafabréf til útprentunar.

Greiða með gjafabréfi

Handhafi gjafabréfsins fær val um að greiða með gjafabréfi þegar hann skráir sig í viðburð á vegum Íþróttabandalagsins. Hann slær inn veflykil og upphæð þátttökugjalds lækkar sem gjafabréfinu nemur. Sé gjafabréfið ekki fullnýtt má nota það aftur við skráningu í viðburð innan gildistímans. Hægt er að skoða stöðuna á gjafabréfinu hér.

Sýnishorn af gjafabréfum Íþróttabandalags Reykjavíkur

Samstarfsaðilar

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, Tour of Reykjavik og Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.