10 km

10 km hlaupið hefst fyrir utan Laugardalshöllina. Þegar hlauparar koma úr Laugardalnum hlaupa þeir í gegnum hið rótgróna hverfi Vogahverfi, eftir Gnoðarvogi. Því næst er haldið yfir Skeiðarvogsbrúnna og beygt inn Sogaveg, niður í Stjörnugróf og yfir í Elliðaárdalinn þar sem hlaupinn er hringur. Hlaupið er meðfram Elliðaánum og þær þveraðar þegar hlaupið er ofan á stíflunni. Að loknum hringnum í Elliðaárdalnum er farinn göngustígurinn meðfram Rauðagerði og yfir göngubrúnna við Miklubraut inn á göngustíg við Suðurlandsbraut og aftur inn í Laugardalinn þar sem hlaupinu lýkur.

Þrátt fyrir að hefja hlaupið á malbiki munu þátttakendur í 10 km hlaupi að mestu fylgja stígum á leið sinni.

Hlaupaleiðin er mæld samkvæmt stöðlum AIMS (alþjóðleg samtök hlaupa).

Smelltu hér til að skoða kort af leiðinni.

Þær drykkjarstöðvar sem eru staðsettar á 10 km hlaupaleiðinni eru tvær. Ölgerðin býður þátttakendum upp á Gatorade og vatn. Fyrsta drykkjarstöðin er upp við stíflu í Elliðaárdal eftir um það bil 5 km. Þessi drykkjarstöð er bæði fyrir þátttakendur í hálfmaraþoni og 10 km hlaupi. Að lokum er drykkjarstöð í markinu þar sem þátttakendur allra vegalengda geta svalað þorstanum.

10 km hlaupið er ætlað fyrir 12 ára og eldri og er ekki æskilegt að yngri börn taki þátt.

Þátttakendur í Miðnæturhlaupi Suzuki geta komist á salerni í Laugardalshöll en einnig eru færanleg salerni/kamrar á rás- og marksvæði og við stífluna í Elliðaárdal (eftir u.þ.b. 5 km)

Vantar þig fleiri upplýsingar um Miðnæturhlaup Suzuki? Svör við algengum spurningum má finna hér.