Upplýsingar um 10 km vegalengdina í Miðnæturhlaupi Suzuki

Miðnæturhlaup Suzuki 2023 fer fram 22. júní 

10 km vegalengdin hefur verið í boði frá upphafi í Miðnæturhlaupi Suzuki. Um 1000 hlauparar taka þátt á hverju ári.  

10 km hlaupið er ætlað fyrir 12 ára og eldri og er ekki æskilegt að yngri börn taki þátt.

Þátttakendur

Skráning í 10 km hlaup fer fram á vefnum eingöngu í ár á midnaeturhlaup.is Smellið hér til að fá nánari upplýsingar um skráningu í Miðnæturhlaup Suzuki. 

Skráning

10 km hlaupið hefst fyrir utan Íþróttamiðstöðina í Laugardal. Þegar hlauparar koma úr Laugardalnum hlaupa þeir í gegnum hið rótgróna hverfi Vogahverfi, eftir Gnoðarvogi. Því næst er haldið  yfir Skeiðarvogsbrúnna og beigt inn Sogaveg, niður í Stjörnugróf og yfir í Elliðaárdalinn þar sem hlaupinn er hringur. Hlaupið er meðfram Elliðaánum og þær þveraðar þegar hlaupið er ofan á stíflunni. Að loknum hringnum í Elliðaárdalnum fara svo göngustíginn meðfram Rauðagerði og yfir göngubrúnna yfir Miklubraut inn á göngustíg við Suðurlandsbraut og aftur inn í Laugardalinn þar sem hlaupinu lýkur.

Þrátt fyrir að hefja hlaupið á malbiki munu þátttakendur í 10 km hlaupi að mestu fylgja stígum á leið sinni.

Hlaupaleiðin er mæld samkvæmt stöðlum AIMS (alþjóðleg samtök hlaupa) og viðurkennd af Frjálsíþróttasambandi Íslands.

Smelltu hér til að skoða kort af leiðinni.

Hlaupaleiðin

Í Miðnæturhlaupi Suzuki eru í heildina fjórar drykkjarstöðvar og eru þær staðsettar á um það bil 5 km fresti. Á öllum drykkjarstöðvunum verður í boði Gatorade og vatn. Fyrsta drykkjarstöðin er upp við stíflu í Elliðaárdal eftir um það bil 5 km. Þessi drykkjarstöð er bæði fyrir þátttakendur í hálfmaraþoni og 10 km hlaupi. Að lokum er drykkjarstöð í markinu þar sem þátttakendur allra vegalengda geta svalað þorstanum.

Smelltu hér fyrir nánari upplýsingar um drykkjarstöðvarnar.

Drykkjarstöðvar

Þátttakendur í Miðnæturhlaupi Suzuki geta komist á salerni í Laugardalshöll en einnig eru færanleg salerni/kamrar á marksvæði fyrir aftan Skautahöllina, við stífluna í Elliðaárdal (eftir u.þ.b. 5 km). 

Salernisaðstaða

Í 10 km hlaupi verða veitt verðlaun fyrir 1.-3. sæti karla, kvenna og kvára, auk þess sem verðlaun verða veitt fyrir 1. sæti karla, kvenna og kvára í aldursflokkum. Smelltu hér til að kynna þér nánar hvaða verðlaun eru í boði í Miðnæturhlaupi Suzuki.

Verðlaun

Sjálfvirk tímataka er í hlaupinu. Notaður verður tímatökubúnaður sem samanstendur af mottum í rásmarki sem hlauparar fara yfir í byrjun og enda hlaups en tímatökuflagan er innbyggð í hlaupanúmerinu hjá hverjum og einum.

Tímataka

Nánari upplýsingar um 10 km hlaupið í Miðnæturhlaupi Suzuki hér. 

10 km

Samstarfsaðilar